Sunta nədir?

Arsenal Group yeni bloqunu təqdim edir. Bu dəfəki mövzumuz “yonqar lövhə” haqqındadır.
Sunta və ya yonqar lövhə, usta dilində desək DSP (ingiliscə: chipboard) odun və ya odunlaşmış lignoselülozik bitkilərin yonqarlarının süni qatran yapışqanları olan karbamid farmoldehit, fenol farmoldehit və vinil əsaslı tutqallarla qarışdırılaraq preslənən növüdür. Yüksək istilik və təzyiq altında istehsal olunur.
İstehsalatda iynə yarpaqlı ağaclardan şam, ladin, küknar, sərvi, ardıc ağaclarından istifadə olunur. Enli yarpaqlı ağaclardan isə qovaq, fıstıq, cökə, qızılağac və ağcaqayından istifadə olunur.
Yonqar lövhələrin suya qarşı dayanıqlığını artırmaq üçün tərkibinə 0.03-0.05% parafin qatılır. Göbələk və böcəyə qarşı flor-pentoklorfenol, yanğına qarşı dayanıqlılığı artırmaq üçün isə ammonyakdan istifadə olunur.
Zaman - zaman yonqar lövhədən hazırlanan mebellərin keyfiyyətinə şübhə duyulardı. O qədər də möhkəm olmayan material təkcə suda deyil adi nəm olduqda belə deformasiyaya uğrayardı. Bunu nəzərə alaraq istehsalçılar daha keyfiyyətli yonqar lövhə ishetsalına başladılar. İnkişaf etmiş texnologiya ilə günümüzdə daha sərt və dayanıqlı yonqar lövhə istehsal olunmağa başladı. Digər bir inkişaf isə təkcə su və nəmə qarşı deyil yanmaya belə davamlı folyolu yonqar lövhə istehsalı oldu. Günümüzdə çeşidləri, rəng kartelası və keyfiyyətinə görə yonqar lövhə evinizin istenilən mebelində istifadə olunmaqdadır.